مشاكل المبتدئين فى الرسم


    مشكلة كل المبتدئين فى الرسم

    غالبا كلنا رسمنا بالفطرة وتلقائيا من غير اى دراسة واتعودنا كل واحد يرسم بطريقة مختلفة وكبرنا على اللي اتعودنا عليه من الطرق دى في الرسم واكتشفنا ان عندنا الموهبة لكن ينقصها الدراسة في مننا اللي دخل كلية فنية واتعلم واللي مقدرش يدخل كلية فنية وكان نصيبه يدخل اي مجال تاني بس فضل الحلم ملازمه لان الرسم عشق لا ينتهى فقرر انه يروح ياخد كورس او يحضر ورش فيتفاجئ ان المدرب بيقوله هتتعلم ترسم الاشكال الهندسية الاول زى اللي في الصورة اللي فوق دى وهترسم طبيعة صامتة اللي هى فخار وخزف وفاكهة واى حاجة من الطبيعة وطبعا هو فى باله ان الحاجات دى ملهاش لازمة هيتتعلمها ليه لما هو اصلا مش بيحب يرسمها وعاوز يرسم حاجات تانية وهنا بقي المشكلة الكبيرة

    ببساطة جدا لاقدر الله لو في مريض باي مرض مزمن وممكن يعيش بيه طول عمره بس هو مش عاوز يعيش مريض وعاوز يتعالج هيعمل ايه؟

    اكيد هيروح لدكتور علشان يكتبله على علاج وياخد دواء

    طيب السؤال هنا هل في حد بيحب الدواء؟

    الاجابة اكيد لا بس ضرورى ياخد الدواء زي ما الدكتور قاله علشان يتعالج

    اهى الاشكال الهندسية والطبيعة الصامتة والمنظور هم الدواء اللي لازم ياخده اي مبتدأ عاوز يتعلم رسم صح

    الاشكال الهندسية والطبيعة الصامتة والمنظور هى اساسيات الرسم من غيرها عمرنا ماهنرسم صح ابدا

    فنصيحة لكل مبتدأ لازم تاخد الدواء وتمشى علي العلاج قصدى تتعلم رسم الاشكال الهندسية كويس بالمنظور علشان تستخدمها في رسم الطبيعة الصامتة اللي هتتعلم منها الرسم وتقدر من خلالها تحلل الكتل وتشوف درجات الظل والضوء والنسب لانها ببساطة جماد مش هيتحرك يعني موديل ثابت مطيع جدا من خلاله هتتعلم كل اساسيات الرسم

    واعظم فنانين في العالم لحد ما ما اتوفو وهم بيرسمو طبيعة صامتة لما فيها من جمال لا يدركه غيرهم

    Comments

    comments


    Skip to toolbar