نصيحة مهمة قبل الاقبال على تعلم الرسم


    نصيحة مهمة قبل الاقبال على تعلم الرسم

    كل حد بيشوف رسومات فظيعة على النت ويقولك ان انا اول مرة ارسم  وده مستوى طالب من اول او تاني محاضرة وبنبقى مزهوليين معقول ده اول مرة يرسم ويرسم بالشكل ده وعلي الرغم ان في طلبة دخلو كليات فنية زي فنون جميلة وتطبيقية وتربية فنية وبيدرسو ٥ سنوات وبانتظام كل يوم وكل يوم ٦ او ٧ ساعات وتلاقى رسمهم اضعف من الرسمة اللي احنا مزهولين منها

    طب ايه الحكاية؟

    الحكاية ببساطة جدا الرسمة اللي احنا مبهورين بيها دى ليست مرسومة

    !!!!!!!!  ايه!!!!!!!!!!      نعم

    ايوة مش مرسومة دي مشفوفة او منقولة مش مرسومة نوضحها اكتر

    في بعض المراكز اللي بتعمل كورسات لتعليم الرسم في ٤ محاضرات و٦ محاضرات و٨ محاضرات بتعلم الطلاب الشف او انقل زي الصورة دي

    بيجيبو صورة ويقسموها مربعات ويجيبو الورقة اللي هيرسمو عليها ويقسموها بردو مربعات وينقلو كل مربع لوحده وبعدين يبدأو يظللو او يلونو كل مربع بنفس الطريقة زي الصورة دى

    اما بقي في الكليات الفنية او المراكز والمعاهد اللي بتعلم رسم بجد بيعلموك اساسيات الرسم الحر ويدربو عينك علي تحليل اي حاجة عاوز ترسمها لاشكال هندسية ويعلموك ازاى ترسم الاشكال الهندسية بالمنظور وازاى تظللها ويعلموك النسب علشان لما تيجي ترسم تعتمد في رسمك علي الاشكال الهندسية اللي انت بنفسك هتشوفها وتحللها وترسمها في الرسمة بتاعتك يبقي كدة انت بتتعلم رسم بجد زى الصور دى

    والنتيجة اللي بنوصلها في الاخر ان الشف والنقل ده عبارة عن حرفة اما الرسم الحر هو ده الفن

    علشان مفيش حد يضحك علينا ولا ننبهر لما نشوف حاجة مرسومة الا لما نعرف اتعملت ازاى والا نشتغل فوتو شوب اسهل

    تحياتى

    الفنان /جليليو

    Comments

    comments


    Skip to toolbar