6 نصائح تعليم الرسم بالرصاص


    ليه تعليم الرسم بالرصاص  !!

    تعليم الرسم بالرصاص

    الرسم اصبح حاليا من الترندات وناس كتير بقت تتجه للرسم كمهاره  عشان تقدر تترجم ابداعها الحسى لصوره معبره عن الواقع بصوره ومشاعره  كتير بيكون عنده المهاره دى بس بيبقى محتاج تدريب عشان يطور وفى بيبداء من الصفر ويتعلم لحد ما يوصل للمستوى ال ياهله انه يبقى راسم مبدع  طيب عرفنا ليه تعليم الرسم بالرصاص

    ازاي اتعلم الرسم بالرصاص !!

     الرسم بالرصاص بيتميز بسهوله تعديل الاخطاء عكس باقى انواع  الرسم بالالوان زى التصوير الزيتى من طبيعه صامته او بورتريه  او الجواش اللي بيكون صعب جدا تعديل في اي لون او تغييره بسهولة ومش بس كدا تعليم الرسم بالرصاص بيكون من الامور المهمة جدا في بداية اي حد بيتعلم الرسم سواء كان تعليم الرسم للكبار او تعليم الرسم للاطفال و بالذات فى تعليم الرسم للاطفال لان بيكون ليهم اخطاء كتير في بداية التعلم و علشان تقدر تتعلم بشكل متقن الرسم بالرصاص في شوية نصايح بتساعدك ترسم بشكل كويس .

    * الادوات 

    دايما مهم تاخد بالك من الاداوات اللي بتستخدمها في الرسم مهم جدا تكون كويسة علشان متأثرش أثناء الرسم زي مثلا نوع الورق اللي هترسم عليه و نوع قلم الرصاص اللي هتستخدمه كل ما بتكون من النوع الجيد بتسهل عليك جدا الرسم و إن كمان ميحصلش أخطاء كتير وقتها و من اكتر الحاجات اللي بتأثر علي الرسم طريقة ماسك القلم .

    طريقه مسك الادوات 

    زي ما ذكرنا في نهاية النصيحة الاولي ان طريقة مسك قلم الرصاص اثناء الرسم بالرصاص بيكون في طريقة مريحة جدا و إنت بترسم بتمسك بيها القلم بسهولة علشان متأثرش بعد فترة او مدة طويلة من مسك القلم بوجع في ايدك ، من اهم الحاجات اللي بتخلي شكل ونضافة رسمتك حلوة الممحاه اللي بتستخدمها .

    تجنب الوقوع فى الاخطاء

    علشان تحافظ علي نضافة رسمتك مهم الممحاه اللي بتستخدمها إنها تكون من النوع الجيد علشان متأثرش علي شكل اللوحة بتاعتك و لان ممكن تكون الرسمة من غير اخطاء بس مكان مسح الرصاص سايب اثر عليها و دا بيأثر في الشكل النهائي للوحة بتاعتك ، اما لو بحافظ اقلل الاخطاء بتاعت رسمتي في كذا حاجة لو عملتها هقدر اعرف الاخطاء ببساطة .

    التصوير والمراجعه

    طرق كتيرة ممكن تخلني ابعد عن اخطاء في الرسمة نفسها في كذا طريقة ممكن اعلمها تكون سهلة عليا اعرف بيها اخطاء الرسم بالرصاص
    اول حاجة تصوير اثناء الرسم بالكاميرا و بعد ما اخلص كل جزء منها اقدر ارجع الفيديو و اشوفه واراجع علي كل جزء في الرسم و اكتشف الاخطاء بسهولة جدا .
    تاني حاجة ممكن اعملها احط الرسمة قدام مرايا و ابص عليها من كذا اتجاه مختلف دا هيخلني اكتشف اخطاء فيها مختلفة كل مرة و اعدلها علشان اوصل لشكل مظبوط .

    تالت حاجة بتخليني اكتشف الاخطاء المختلفة اعرض الرسومات بتاعتي كل ما اخلص جزء منها كبير لحد يكون ذو خبرة يقدر يديني نصايح و كمان يقولي اخطاء ممكن مكنش واخد بالي منها و بتأثر جدا علي الرسمة بتاعتي .
    رابع حاجة اخد راحة من الرسمة كل ساعتين او كل ما احس اني زهقت ابعد عن الرسمة و لما ارجع لها هكتشف اخطاء اقدر اعدلها برده فيها لان العين لما بتكون مركزة فترة طويلة علي حاجة بيبقي صعب عليها تكتشف فيها أي أخطاء و ممكن بسبب الموضوع دا الرسمة كلها تتأثر وتخرج بي أخطاء كتير في النهاية و نقطة ان ارسم بمزاج مهمة لانها بتقلل الاخطاء بتاعتي جدا .

    الحاله النفسيه

    الرسم عايز مزاج و انت بترسم جدا لان بيأثر علي الشكل النهائي كله للرسمة والاداء العام بتاعك ، و بعد ما تنمتهي منها حافظ عليها وعلي شكلها حتي لو مر عليك وقت لأن أي لوحة بتتأثر جدا

    الاهتمام بالادوات والمحافظه عليها

    لوحة الرسم بالرصاص بعد فترة ممكن تتأثر بالجو و بالذات لو كان فيها تظليل بعد فترة ممكن كلها تتغير و علشان ناخد بالنا من النقطة دي ونحافظ علي اللوح ممكن نرشها باسباي مثبت دا بيحافظ مع مرور الزمن علي الرسمة و بالذات لو كانت رسمة بالرصاص .

    تعليم الرسم بالرصاص من امتع الحاجات اللي ممكن تعملها و تخليك سعيد لانك مع كل جزء بترسمه بتحس انك بتبني قدامك لوحة كبيرة ممكن قدام تكون اهتمام لناس كتير .

    Comments

    comments


    Skip to toolbar